لماذا الطريق الصح ......
الاثنين، 13 أبريل 2009
السلام عليكم ورحمه الله وبركاته
طبعا انا كنت حابب الكلام ده يكون اول كلام ليا فى البلوج
بس انا كتبت البوست الاولانى بسرعه
كنت بحجز مكان خايف حد يدخل يلاقيه فاضى ( آال يعنى :D(
ياخده منى
بس خير
انا النهارده حابب اعرض فكره انشاء البلوج وكمان سبب التسميه
وشويه حاجات كده يارب تعجبكم
بس لازم الاول
اشكر كل الناس اللى دخله فى البلوج طبعا هما مش كتير :D
ومش علقوا على البلوج (شكراا شكراا :D)
بس كفايه انهم دخلوا وشافوا
المهم ...
اولا :هبدا بفكره انشاء البلوج
بدات الفكره لما كنت بشوف وبتابع كذا بلوج وبدخل وشارك براى فى المواضيع الموجوده فيه
وكنت حاسس انى يبقى ليا بلوج دى حاجه كبيره وصعبه
بس الحمد لله ربنا وقفنى ويسر الامر عليا
طبعا انا مش كنت اقدر اعمل تصميم البلوج لانى مش عندى خبره فى المجال ده
فاستعنت بمدرب اجنبى
علشان اعرف منه واتعلم وده مش عيب طبعا
وهى بنت خالتى البشمهندسه سيما
Bosycat
بتاعت الدلتا :P
هى فين وبتوع الدلتا فين :D
وطبعا هى مش بخلت عليا بحاجه وساعدتنى على قد ما تقدر
والحمد لله البلوج اتعمل وان شاء الله ينجح
ثانيا لماذا الطريق الصح
طبعا ممكن فى ناس مستغربه من الاسم او يمكن فى ناس ربطت بينه وبين برنامج الداعيه معز مسعود
بس انا اخترت الاسم ده طبعا علشان عجبنى وكمان علشان البرنامج عجبنى
علشان نفسى بجد اننا كلنا نكون على الطريق الصح واكيد هو الطريق الى الله – سبحانه وتعالى
ثالثا : هدفى من عمل البلوج
اكيد طبعا اعرض راى واتناقش معاكم فيها
فى كل المواضيع المهمه
سواء كانت دينيه او اجتماعيه او سياسيه او رياضيه
ونفذ مشاريع نكسب منها حسنات
احاول انى استفيد وافيد ان شاء الله
وفى الاخر نكون كلنا على الطريق الصح
ونتقابل ان شاء الله على باب الجنه
معلش طولت عليكوا اول بوست بقى اعذرونى
تعليقات بقى ;)
السلام عليكم
13 أبريل 2009 في 3:22 م
انا فى الدلتا !!!!!! :@ :@
ماشى ياعم انا مش هارد عليك ..هاسيب الزمن هو اللى يرد ...
وبعدين انت يعنى علشان اخدت دبلون التجارة هتتغر علينا :P :D
نتكلم جد بقى ..
بجد انا متفائله بالبلوج دى
وان شاء الله هتبقى جامده جداا
والدليل اول موضوع واللى بيوضح انت هتمشى ازاى وناوى على ايه
ربنا معاك :)
14 أبريل 2009 في 6:18 ص
دبلون تجاره ماشى ماشى
بجد شكرا على التعليق الحلو ده
وان شاء الله المواضيع الجديده هتعجبك جدا
بس انا عايز الناس تتفاعل معانا
فين التعليقات يا جماعه
هو البلوج ده عائلى ولا ايه
4 مايو 2009 في 9:04 ص
يارب تكون مدونة كلها تفاؤل وخير
ومنتظرك
^_^
أخوك أمير الهدوء
13 مايو 2009 في 6:32 ص
salamo 3aliko
isA el-blog hatb2a gamda gdn :)
Rabna ywf2ak
13 مايو 2009 في 9:01 ص
أمير الهدوء
يارب تكون مدونة كلها تفاؤل وخير
ومنتظرك
^_^
أخوك أمير الهدوء
السلام عليكم
شكرا ليك على تعليقك الحلو ده
ويارب البلوج يعجبك
ButterFly
salamo 3aliko
isA el-blog hatb2a gamda gdn :)
Rabna ywf2ak
وعليكم السلام ورحمه الله وبركاته
شكرا ليكى على الكلام ده
وان شاء الله المواضيع الجايه تعجب حضرتك
30 يونيو 2009 في 8:45 ص
بلوج جامد اوي اوي
ربنا يوفقك ويسعدك يا رب
3 يوليو 2009 في 8:06 ص
غير معرف يقول...
بلوج جامد اوي اوي
ربنا يوفقك ويسعدك يا رب
السلام عليكم ورحمه الله وبركاته
شكرا ليك/ ليكى على التعليق ده
ويارب يكون البلوج عجبك
نورت البلوج