Last Call
الخميس، 21 مايو 2009
جاءت بعد البعد تطلب العذر والسماح
وتقول انها لا تقدر على نسيانك
والايام لم تستطع محو ذكراك
وقد صدق للاسف جميع الامانى
بعد التعود على البعد ونسيان الماضى
وها هو قد استسلم وترك لقلبه اللجام
وتخيل بان اللى كان قد يعود
وبعد فتره لم تكن طويله
كان البعد المتفق عليه فتره مريره
لحين تحقيق الحلم الكبير كما كان يتخيل
وعندما قد قاربت اللحظه فجاء فى خاطره
ان يتاكد على حلمه هل ما زال موجود
ام ذهب مع الايام
وبعد عده محاولات اجابت على الهاتف وكان صوتها هادى لا ملامح فيه
ولم يشعر هو بنفس الفرحه القديمه
قديما كان قلبه ينبض بشده عندما
يخطر بباله فقط انه سيسمع صوتها
ها قد جاءت الاجابه
فبعد التحيه والسلام والاطمئنان على الاحوال
دخل فى الموضوع وسال على العهد الموضوع
وجاءت الاجابه على السؤال الذى اعتقدت انه يحتاج تفكير لديها
ولكن ردت بكل صوت جامد بان اللى فات مات
والمشاعر تاهت مع دوران الزمان
والقلب نسى العشق القديم وكأنه حب مرير
مر الكلام عليه عادى من غير تعجب او حزن
ولا دمعه فى العين
وكأنه يعلم بما يجرى
تمنى لها الحب والتوفيق والعثور على زوج سعيد
وقال لها اذا احتاجت شيئا وهو فى الدنيا او داخل البلاد
فانه لا يتاخر عن النداء مهما كان اللى كان
سالته سؤال ادهشه كثيرا
سالته هل سيكرها ؟؟!!
تعجب !!!!!!!!
ما هى كيفيه هذا السؤال وما معناه ؟؟
وما الفائده من طرحه امر محير ؟؟
ولكنه اجاب بقلب حزين
من تعلم الحب لا يعرف قلبه الكراهيه
وذلك لان قلبه تعلم فقط
معانى وحروف الحب الجميل
يالا تعاسه قلبه ويالا قوه قلبها
اذن لها باغلاق الخط ولبت هى النداء سريعا
دارت الافكار فى راسه
وأصبح يهمس بهذه الاسئله
ما هو الدائن والمدين فى هذه العمليه؟
من هو الجانى والمجنى عليه فى هذه القضيه؟
هل يموت الحب فى البعاد؟؟
لماذا لم يشعرمنها فى اللحظات الاخيره
ولو باحساس عطف؟؟
هل ما هو فيه الان جزاء الوفاء ؟
لقد تغيرت قواعد الحب لديه
كان يعتقد بان الاخلاص لايمكن ان يكون
مقابله الغدر
اذا كان هذا يسمى غدرا
انه حتى لا يستطيع ان يطلق اسم عليه
وداعا لهذا الحب الجميل
اقصد الغريب .....
حكمه لذيذه
عندما لا تستطيع ان تستوعب ما يحصل حولك ..
ابــتــســـــم : فأنت على الأقل لم تصل بعد لمرحلة الجنون.
وفى الختام
احسن سلام
21 مايو 2009 في 12:58 م
حلوة أووووووووووووووووى جدا خالص .
حاسة انها حقيقة .
:(
بجد ماشاء الله وفقت فى اختيار الكلمات وترتيبها ..
إلى الأمام .
:)
تقبل أول زيارة ليا يافندم
:D
22 مايو 2009 في 5:04 ص
MeMe
السلام عليكم
اهلا بيكى فى البلوج
نورتى البلوج ويارب مش تبقى اخر زياره
على فكره بعد اذن حضرتك انا ضفت البلوج بتاعك عندى هنا
شكرا على كلام حضرتك الحلو
ويارب البلوج عامه يكون عجبك
22 مايو 2009 في 8:26 ص
النهاية رائعه
^_^ تعرف نفس القصه تقريبا او فيها بعد التغيرات
لكني انا اللي كنت السبب لأني تخطيت حدودي وتعاملت بشكل تلقائي فكشفت كل اوراقي بطيبة قلب وبعديها اكتأبت وفشلت وتاهت الابتسامه وعشت في السراب بحلم بالاوهام لكن مع الوقت
دعيت ربي انه يساعدني
وبعديها في الطريق الصح دخلت
والابتسامه نورت حياتي
وفهمت واتعلمت
اقولك القصه مكمونها في كلمة
لعله خير
وابتسامتك تدل
على انك ماشي صح
واجمل حاجه مش تبص وراك
وابني مستقبل أجمل
تفتكره بعد لما تجري عجلة الزمان
^_^
أسف على الإطالة
24 مايو 2009 في 9:57 ص
Really Nice words ! :)
Even it's little saddy but Nice!
Btw : Good blog ,, I liked its look ,, Hope it will be better & better & hope U all the best .
24 مايو 2009 في 12:20 م
أمير الهدوء
السلام عليكم ورحمه الله وبركاته
شكرا ليك على ردك الحلو ده
اكيد لازم الواحد مش يفكر فى اللى فات
وديما يبص للامام
شكرا ليك مره تانيه
24 مايو 2009 في 12:40 م
Nonya
السلام عليكم
اولا اهلا بيكى فى البلوج
ويارب يكون عجبك
شكرا على التعليق الحلو ده
والحمد لله ان الموضوع عجبكم
25 مايو 2009 في 11:30 ص
جميل جداا يامحمد
كلام معبر ومؤثر جدا
استمررررررررر ..وربنا يوفقك للخير دايما :)
25 مايو 2009 في 12:21 م
السلام عليكم
بالنسبه لرأى فى الموضوع ..
لم يصل لنهاية الأمر بعد ...
وعن تجربه لم يسبق له أن عاشها ... يمكنني ان أخبره
بأن الحياة ما زالت أماهك ... والطريق لم ينتهي بعد ..
قد يكون أحسس بالكئابه وبفراغ أكثر ... فكلما أراد الإنسان المضي في الطريق قدما ً فإنه لا يستطيع أن يتفادي كبواته ..
إن من تعلم الحب لا يعرف قلبه الكراهية ولكن الفراق يولد الحزن ، والفراغ يولد الحيرة...
إننا ننظر للدنيا بمنظورنا الخاص كل بما فيه ولا نشعر بما حولنا ولو نظرنا ولو للحظة واحدة لوجدنا اننا كقطرة ماء تسقط في بحر كبير لن نتمكن أبدا ً من إعادتها إذا ما سقطت ...
وفي الختام أحسن سلام ......
السلام عليكم ورحمة الله وبركاته .....
25 مايو 2009 في 2:22 م
جااااااااامده بجد يا محمد
لا هنشتغل مع بعض كتير
بجد حاجه جامده فعلا
26 مايو 2009 في 2:48 ص
bosycat
السلام عليكم
الحمد لله ان الموضوع عجبكم
وشكرا على الرد الحلو ده
وان شاء الله الجاى احلى
26 مايو 2009 في 2:51 ص
Hmom-Eltreq
السلام عليكم
رامى باشا عامل ايه
ومبروووك على البلوج هو محتاج شويه تعديلات بس اكيد هيبقى جامد
وايه الرد الجامد ده حلو اوى على فكره
ياريت تزورنا هنا ديما ومش تبقى اخر مره
26 مايو 2009 في 2:53 ص
moto
السلام عليكم
اهلا يا موتو وحشنى يا واد عامل ايه
اكيد يا باشا انا يشرفنى اشتغل معاك فى جريده (موتو اوف لاين )
بجد انا فرحان ان الموضوع عجبك
البلوج نور بيكم يا جماعه والله
السلام عليكم ورحمه الله وبركاته
12 يونيو 2009 في 7:04 ص
السلام عليكم
مدونه جميله جعلها الله فى ميزان الحسنات
تقبلوا مرور
تحياتي
glaal
12 يونيو 2009 في 9:04 ص
ابوجلال المصرى يقول...
السلام عليكم
مدونه جميله جعلها الله فى ميزان الحسنات
تقبلوا مرور
تحياتي
glaal
وعليكم السلام ورحمه الله وبركاته
شكرا ليك
والحمد لله ان المدونه عجبت حضرتك
البلوج نورك بزيارتك
شكرا ليك
20 سبتمبر 2009 في 2:12 م
السلام عليكم ورحمة الله
كلام حضرتك ياستاذ محمد معبر وحلو اوي
تحسه كلامات خارجه من القلب من غير قصد ولا مبالغه
احلى حاجه لما يقدر الانسان يعبر بخاطره او يخرج احساس عن طريق كلمات
ربنا يوفقك حضرتك ونشوف من اكتر اكتر
نهال
21 سبتمبر 2009 في 12:37 م
السلام عليكم ورحمة الله
كلام حضرتك ياستاذ محمد معبر وحلو اوي
تحسه كلامات خارجه من القلب من غير قصد ولا مبالغه
احلى حاجه لما يقدر الانسان يعبر بخاطره او يخرج احساس عن طريق كلمات
ربنا يوفقك حضرتك ونشوف من اكتر اكتر
نهال
السلام عليكم ورحمه الله وبركاته
جزاكى الله خيرا على رد حضرتك الكريم
حضرتك نورت البلوج بدخولك
بارك الله فيكى
السلام عليكم ورحمه الله وبركاته